Testimonials

Tula ng Magsasaka

Sa labing pitong barangay ng bayan ng Mansalay
Brgy. Maliwanag, pwedeng ipagmalaki saanman
Ang mabisang patunay, ang magandang pangalan
Hango sa apelyido ng punong bayan nating mahal.

Dati-rati’y inosente kami, ng teknolohiya sa pagtatanim
Di alam ang paraan, na ang ani’y pararamihin
Pagsugpo sa pesteng insekto, problemang maituturing
Kung hindi malulunasan, gutom ng sambaya’y daranasin.

Sa mga teknisyan sa tanggapan ng pagsasaka
Nang ang taga-ATI at PhilRice sa Mayor nati’y nakipagkita
Usapin sa pagtatanim at pagsasaka ang pangunahing agenda
Ang layuni’y magbahagi ng makabagong teknolohiya
Nakatiwangwang na lupa’y matamnan ng sagana.

Mga nakalagang teknisyan, kaalama’y di matawaran
Laging sinasabing, ang di pag-ulan ay hindi hadlang
Upang magtanim ng marami, prutas at mga gulay
Di dapat nagtataasang damo, ang nakatingala sa kalangitan.

Heto ngayon ang patunay, kabarangay ko’y naghahangad
Hindi lamang taga-rito sa Naalin, Cahusayan at Centro Maliwanag
Maging taga-Bonbon, gustong kaalama’y maging sapat
Sa larangan ng pagtatanim, kabuhayan nya raw ay uunlad.

Tunay na nakakawili tueing Biyernes na pag-aaral
Kinikilala ang paglago’t anyo ayon sa barayti ng palay
Sinisukat ang taas, daho’t suhi ay binibili lang
Kinikilala ang insekto, kaibigan ba o kaaway.

Kapag nagrereport na, an glider sa apat na grupo
Kung sino ang malakas ang loob, sya ang unang tatayo
Bawat makikinig naman, maghahanda ng komento
At kung mali naman, may teknisyan na sasalo.

Sa kasamahan kong taga-Cahusayan, napakalayong sityo
Kaming taga rito sa Naalin, lubos na pinahanga nyo
Lakad kung papauwi, maging sa paparito
Maswerte lang din kung minsan, sa tricycle ni Sir Richard ay sakay kayo.

Kaya’t ngayon pa lamang, ako’t kayo’y magpakita
Sa looban ng apat na buwan, maraming kaalamang nakuha
Na tayong nagtapos ng FFS, higit na naiiba
Key Check no. 1 hanggang 8 pakatandaan talaga.

Mula ngayon at kailaman, ako’y may kahilingan
Mahigpit kong pakiusap, di dapat kaligtaan
Saan man tayo magkita ang pagtatanim ang pag-usapan
Pagkat tayong magsasaka, mahalaga sa lipunan.

Jimmy Prado, participant of FFS for Rice during graduation
Tue, 10/27/2015

Bridging the gap with GAP

This training is amazing, wow! for all the speakers. They were able to answer questions being raised by the participants. I've realized that farming is not just "we will plant" but we should need to apply the Good Agricultural Practices for the sake of our environment, workers' safety and consumers."

Catherin Maño, OJT from Romblon State University (Training on GAP Corn)
Thu, 02/05/2015

Brgy. Captain Goes OA

Salamat po sa mga nagtrain sa amin, marami ako natutunan bilang brgy. captain at sa tingin ko ay malaking katulungan ito sa pagdala ng impormasyon sa barangay at direkta sa mga farmers natin.

Brgy. Captain Michael M. Arevalo, Brgy. Liwayway, Romblon (Training on OA)
Fri, 01/23/2015

OA na ang 4H!

I really like the training. Natutugunan nito ang talagang nais kong matutunan. Very eager kasi ako matuto about organic farming. Natutuwa ako sa methodsna ginamit sa training na ito. May hands-on activities, hindi puro theories. Talagang naiaapply ang slogan ng 4H na "Learning by doing".

Mary Grace M. Rivas, President, Personas 4H Club
Wed, 02/18/2015

Inmate Meets Organic Agriculture

"Una, nagpapasalamat ako sa Panginoon sa matagumpay na programa. Nagpapasalamat ako sa lahat ng nakipagtulungan, sa mga nagturo ng organikong pagsasaka. Bagaman kami ay nasa aming pansamantalang tirahan, nakatutuwa na naabot pa rin kami ng ganitong programa. Tatlong bagay lamang ang aking maiibahagi na siguradong aking natutunan. Una, ang organik ay healthy – hindi na kailangan ng mga lason at mga synthetic fertilizers. Ikalawa, ito ay mura – hindi na bibilhin at gagastusan ng malaki. At ikatlo, ito ay environment friendly – hindi nakakasira sa ating kalikasan”

Valentin Go, inmate, Sablayan Penal and Prison Farm
Mon, 09/29/2014

Propose with Purpose = a Project Proposal

"Bago lang po ako sa mga ganitong training, kasama ko po yung mga beterano ng ATs at MAO.
Maganda po ang naging outcome nito para sa amin. Natutunan namin ang mga bagong guidelines sa
paggagawa ng proposal. Naging kabahagi ang bawat municipality para magshare ng knowledge at ng
kung ano ba ang sitwasyon sa kanilang bayan. So makikita natin na iba't-ibang lugar, iba't-ibang sitwasyon. Kaya maraming adjustment ang ginagawa ng bawat munisipyo sa mga proyekto na kanilang ipo-propose. Naging maganda talaga ang resulta nito. Sana ay magtuloy-tuloy pa ang maraming trainings, on-the-field trainings hindi lang para sa mga ATs, kundi para sa mga farmers. Maraming salamat po!"

John Aldrich R. Vinzon, AT-Pinamalayan during Training on Project Proposal
Fri, 06/27/2014

What ATI Training means to me?

"I am very glad I was chosen para magbigay ng impression, once in a lifetime about GAD. Since ATI start with letter A. Ang impression ko ay mag start sa letter A. Ambiance- di ko maexplain even the 1st day yung seminar na ibang iba ang dating even yung di ka maiilang na makipaginteract sa mga teacher, organizer, even sa mga participants. Second time ko makaatend ng training about gender and development. Para sa akin kakaiba talaga ang ganitong training. Application-dapat ang mga natutunan natin di lamang sa isip natin dapat iaply natin yun. Dapat ipakita natin na natoto tayo kasi ang ganda ng topic about gender. Ang saya talaga salamat sa lahat ng impormasyon."

Seychelle Kim Tayag, Participant,Training on Gender and Development
Fri, 03/14/2014

Panibagong Karanasan, Panibagong Kaalaman

"Isang panibagong hamon, isang panibagong karanasan at panibagong kaalaman ang aking natutunan dito sa limang araw na training na ito. Ang mga kaalamang aming natutunan ay dapat pa naming pagsumikapang alamin dahil ito ay siyang magiging sandata namin sa larangan ng pagpapalayan."

Menard Medina, Participant of Refresher Course for Local Farmer Technicians
Fri, 05/09/2014